تورتة الآيس كريم اختيار مختلف لأعياد الميلاد والنجاح والتجمعات، خصوصًا في الصيف. عشان تطلع المناسبة زي ما انت عايز، دي شوية نصايح قبل ما تطلب.
اختار الحجم على حسب العدد
عندنا حجمين: صغير وكبير. لو التجمع عائلي صغير، الصغير غالبًا مناسب. ولو العدد كبير أو عايز الكل ياخد حتة محترمة، خد الكبير. ولو محتار، اسألنا على واتساب وقولنا العدد.
النكهة
عندنا ١٥ نكهة تختار منهم. لو الضيوف أذواقهم مختلفة، النكهات الكلاسيك المعروفة بتبقى اختيار آمن، ولو عايز تفاجئهم جرّب نكهة جديدة.
اطلب قبلها بـ ٤٨ ساعة
تورتة الآيس كريم بتتحضّر مخصوص، فلازم تطلبها قبل ميعاد الاستلام بـ ٤٨ ساعة على الأقل. وكل ما تطلب بدري كل ما كان أحسن، خصوصًا في المواسم والإجازات.
اكتب اللي عايزه على التورتة
في فورم الطلب فيه خانة للكلام اللي يتكتب على التورتة، زي اسم صاحب المناسبة أو “مبروك النجاح”. اكتبه بالظبط زي ما عايزه.
بعد الاستلام
- لو هتستلم من الفرع، خلي المشوار للبيت آخر مشوار عشان التورتة ماتقعدش في العربية.
- أول ما توصل، حطها في الفريزر لحد قبل التقديم بشوية.
- طلّعها من الفريزر قبل التقطيع بدقايق قليلة، وبلّ السكينة في ميّة سخنة عشان التقطيع يبقى أسهل.